Categories
Film News

ടൊവിനോയും രമേഷ് പിഷാരടിയും എന്റെ സുഹൃത്തുക്കൾ ; പ്രചരിക്കുന്ന വീഡിയോ വ്യാജമെന്നും നടൻ വിനയ് ഫോർട്ട്

സോഷ്യൽ മീഡിയയിൽ വ്യാപകമായി പ്രചരിച്ച ഒന്നായിരുന്നു സംവിധായകൻ അൽഫോൺസ്  പുത്രന്റെ കുഞ്ഞിന്റെ മാമോദിസ ചടങ്ങുകൾക്കിടെ വിനയ് ഫോർട്ടിനെ അവഗണിച്ച് പോകുന്ന ടൊവിനോയും രമേഷ് പിഷാരടിയും ഉൾപ്പെടുന്ന വീഡിയോ.
എന്നാൽ ഈ വിഡിയോയും വാർത്തകൾകൾക്കും യാതൊരു  അടിസ്ഥാനവുമില്ലെന്ന് ചൂണ്ടിക്കാട്ടി രംഗത്തെത്തിയിരിക്കുന്നത് നടൻ വിനയ് ഫോർട്ട് തന്നെയാണ്.
നടൻ ടൊവിനോക്കും രമേഷ് പിഷാരടിക്കും എതിരെ ഈ വീഡിയോയും വാർത്തകളും വന്നതിന് ശേഷം കടുത്ത വിമർശനങ്ങളാണ് നേരിടേണ്ടി വന്നത്.
ആരാധകരടക്കം താരങ്ങളെ ഇതിന്റെ പേരിൽ  ക്രൂശിക്കുന്ന അവസ്ഥ എത്തിയതോടെ സംഭവത്തിന്റെ നിജസ്ഥിതി വ്യക്തമാക്കി വിനയ്ഫോർട്ട് രംഗത്തെത്തിയിരിക്കുകയാണ് .
തങ്ങൾ എല്ലാവരും പരസ്പരം സംസാരിച്ചതിന് ശേഷം ആരോ ഷൂട്ട് ചെയ്ത വീഡിയോ ആണത്, ആദ്യമൊക്കെ അത് തമാശയായേ കണ്ടിരുന്നുവെങ്കിലും സംഗതി ഗുരുതരമാണെന്ന് മനസിലാവുന്നത് ടൊവിനോയെ കണ്ട ശേഷമാണെന്നും താരം പറയുന്നു.
ആ വീഡിയോ എടുത്തവരായാലും തന്റെ സുഹൃത്തുക്കൾക്ക് കഷ്ട്ടപ്പാട് ഉണ്ടാക്കാതെ അത് ഡിലീറ്റ് ചെയ്യണമെന്നാണ് താരത്തിന്റെ ആവശ്യം.