Categories
Film News

രജിഷ വിജയന്റെ പുതിയ സിനിമ ഖോഖോ

രജിഷ വിജയന്‍ വ്യത്യസ്ത വേഷങ്ങളുമായി തുടരുകയാണ്. താരത്തിന്റെ പുതിയ മലയാള സിനിമ ഖോഖോ എന്ന് പേരിട്ടിരിക്കുന്നു. സിനിമയുടെ ഫസ്റ്റ്‌ലുക്ക് പോസ്്റ്റര്‍ മോഹന്‍ലാല്‍ സോഷ്യല്‍മീഡിയ പേജിലൂടെ റിലീസ് ചെയ്തു. രജിഷ പോസ്റ്ററില്‍ രണ്ട് വ്യത്യസ്ത ലുക്കുകളിലെത്തുന്നു. ഒന്ന് മുടി നീട്ടിയ രൂപത്തിലും മുടി കളഞ്ഞ രൂപത്തിലുമാണ് മറ്റൊന്ന്. രാഹുല്‍ റിജി നായര്‍ , ഒറ്റമുറി വെളിച്ചം ഫെയിം എഴുതി സംവിധാനം ചെയ്യുന്ന സിനിമയാണിത്. ഫസ്റ്റ് പ്രിന്റ് സ്റ്റുഡിയോസ് ബാനറില്‍ സിനിമ നിര്‍മ്മിക്കുന്നു.

ഖോഖോ എന്നത് ഒരു ഇന്ത്യന്‍ കളിയാണ്. സൗത്ത് ആഫ്രിക്കയിലും ഇംഗ്ലണ്ടിലും വളരെ പ്രചാരത്തിലുള്ള കളിയാണിത്. സിനിമയില്‍ രജിഷ ഒരു ഖോഖോ കളിക്കാരിയായാണെത്തുന്നതെന്നാണ് പോസ്റ്റര്‍ നല്‍കുന്ന സൂചനകള്‍. കായികതാരമായി താരം രണ്ടാംതവണയാണ് എത്തുന്നത്. ഫൈനല്‍സ് എന്ന സിനിമയില്‍ ഒരു സൈക്കിളിസ്റ്റായി താരമെത്തിയിരുന്നു.

ഖോഖോ ഛായാഗ്രഹണം ടോബിന്‍ തോമസ്, സംഗീതം സിദ്ദാര്‍ത്ഥ പ്രദീപ് , എഡിറ്റിംഗ് ക്രിസ്റ്റി സെബാസ്റ്റ്യന്‍ എന്നിവരാണ്.