Categories
Film News

ബാറോസ്: മോഹൻലാലിന്‍റെ സംവിധാനത്തിൽ പ്രതാപ് പോത്തൻ

മോഹൻലാൽ ആദ്യമായി സംവിധാനം ചെയ്യുന്ന ബാറോസ് മാർച്ചിൽ ചിത്രീകരണം തുടങ്ങാനിരിക്കുകയാണ്. സിനിമയുടെ പ്രീ പ്രൊഡക്ഷൻ വർക്കുകൾ കൊച്ചിയിൽ പുരോഗമിക്കുന്നു. മോഹൻലാൽ തന്നെ നായകവേഷത്തിലെത്തുന്ന സിനിമയില്‍ സഹതാരങ്ങളായി യുഎസ്, സ്പെയിൻ, പോർച്ചുഗൽ, ഘാന എന്നിവിടങ്ങളില്‍ നിന്നുമുള്ള താരങ്ങളെത്തുന്നു. പ്രതാപി പോത്തൻ ആണ് പുതിയതായി മലയാളത്തിൽ നിന്നും ചിത്രത്തിന്‍റെ ഭാഗമാകുന്നത്.

കഴിഞ്ഞ ദിവസം ബാറോസ് സിനിമയുടെ ചർച്ചയ്ക്കിടയിൽ നിന്നുമുള്ള ഒരു ഫോട്ടോ പ്രതാപ് പോത്തൻ ഷെയർ ചെയ്തരുന്നു. മോഹൻലാലിനെ പോലെ ഒരു ഇതിഹാസതാരത്തിന്‍റെ സംവിധാനത്തിലഭിനയിക്കുന്നതിന്‍റെ സന്തോഷവും താരം പ്രകടമാക്കി.

ബാറോസ് 3ഡി ഫാന്‍റസി സിനിമയാണ്. ജിജോ പുന്നൂസ് തിരക്കഥ ഒരുക്കുന്ന സിനിമയുടെ ഛായാഗ്രഹണം സന്തോഷ് ശിവൻ, പ്രൊഡക്ഷൻ ഡിസൈൻ സന്തോഷ് രാമൻ, 13വയസ്സുകാരനായ ലിഡിയാൻ നാദസ്വരം സംഗീതമൊരുക്കുന്നു. ആന്‍റണി പെരുമ്പാവൂർ ആശിർവാദ് സിനിമാസ് ബാനറിൽ സിനിമ നിർമ്മിക്കുന്നു.