Categories
Film News

നയൻതാരയുടെ സ്പെഷൽ പോസ്റ്ററുമായി നിഴൽ ടീം

പിറന്നാൾ ദിനത്തിൽ നയൻതാരയുടെ സ്പെഷൽ പോസ്റ്റർ പുറത്തിറക്കി നിഴൽ അണിയറക്കാർ. കുഞ്ചാക്കോ ബോബൻ, നയൻതാര എന്നിവർ കേന്ദ്രകഥാപാത്രങ്ങളായെത്തുന്ന നിഴൽ എഡിറ്ററും സംവിധായകനുമായ അപ്പു എൻ ഭട്ടതിരിയുടെ ആദ്യസംവിധാനസംരംഭമാണ്. സൂപ്പർസ്റ്റാര്‍ മോഹൻലാലും, മമ്മൂക്കയും ചേർന്ന് സോഷ്യൽമീഡിയയിലൂടെ പോസ്റ്റർ റിലീസ് ചെയ്തു.

നിഴൽ, ചിത്രീകരണം കഴിഞ്ഞ മാസം ആരംഭിച്ചിരുന്നു. കുഞ്ചാക്കോ ബോബനും നയൻതാരയും ആദ്യമായാണ് ഒന്നിക്കുന്നത്. കുഞ്ചാക്കോ ജോൺ ബേബി എന്ന ഫസ്റ്റ്ക്ലാസ് ജുഡീഷ്യൽ മജിസ്ട്രേറ്റ് ആയെത്തുന്നു. നയൻതാരയുടെ റോൾ എന്താണെന്ന് പുറത്തുവിട്ടിട്ടില്ല.

നവാഗതനായ എസ് സഞ്ജീവ് തിരക്കഥ ഒരുക്കുന്നു. അണിയറയില്‍ അപ്പു എൻ ഭട്ടതിരി എഡിറ്റിംഗ്, അരുൺലാൽ എസ് പിയുമായി ചേർന്ന്, സൂരജ് എസ് കുറുപ്പ് സംഗീതം, സിനിമാറ്റോഗ്രാഫി ദീപക് ഡി മേനോൻ എന്നിവരാണ്.

ആന്‍റോ ജോസഫ്, അഭിജിത് എം പിള്ള, ബാദുഷ, ഫെല്ലിനി ടിപി, ഗിനേഷ് ജോസ് എന്നിവർ ചേർന്ന് നിർമ്മിക്കുന്നു