Categories
Film News

നിവിന്‍ പോളിയുടെ ഗാങ്‌സ്റ്റര്‍ ഓഫ് മുണ്ടുമല ആക്ഷന്‍ സിനിമ

കഴിഞ്ഞ ദിവസം നിവിന്‍ പോളി പുതിയ സിനിമ ഗാങ്സ്റ്റര്‍ ഓഫ് മുണ്ടുമല പ്രഖ്യാപിച്ചിരുന്നു. പുതിയ ടീം ആണ് സിനിമ ഒരുക്കുന്നത്. നവാഗതനായ അനീഷ് രാജശേഖരന്‍ തിരക്കഥ ഒരുക്കുന്ന സിനിമ സംവിധാനം ചെയ്യുന്നത് റോണി മാനുവല്‍ ജോസഫ് ആണ്.

നിവിന്‍ പോളി രവി മാത്യു പ്രൊഡക്ഷന്‍സുമായി ചേര്‍ന്ന് സിനിമ നിര്‍മ്മിക്കുന്നു.

അണിയറക്കാര്‍ പറയുന്നതനുസരിച്ച് ഗാങ്സ്റ്റര്‍ ഓഫ് മുണ്ടുമല ഗ്രാമീണ പശ്ചാത്തലത്തില്‍ പറയുന്ന ഒരു ആക്ഷന്‍ സിനിമയായിരിക്കും. ഔട്ട്‌ഡോര്‍ ലൊക്കേഷനുകളില്‍ ആള്‍ക്കൂട്ടത്തിനിടയില്‍ ചിത്രീകരിക്കേണ്ടുന്നതിനാല്‍ കൊറോണ പ്രശ്‌നങ്ങള്‍ തീരും വരെ കാത്തിരിക്കാനാണ് അണിയറക്കാര്‍ പ്ലാന്‍ ചെയ്തിരിക്കുന്നത്. ഞണ്ടുകളുടെ നാട്ടില്‍ ഒരിടവേള, തണ്ണീര്‍മത്തന്‍ ദിനങ്ങള്‍ ഫെയിം ജസ്റ്റിന്‍ വര്‍ഗ്ഗീസ് സിനിമയില്‍ സംഗീതമൊരുക്കുന്നു. മറ്റുതാരങ്ങളേയും അണിയറക്കാരേയും ഫൈനലൈസ് ചെയ്തിട്ടില്ല.

ഗാങ്സ്റ്റര്‍ ഓഫ് മുണ്ടുമല നിവിന്‍ പോളിയുടെ മൂന്നാമത്തെ സിനിമയാണ്. മുമ്പ് ആക്ഷന്‍ ഹീറോ ബിജു, ഞണ്ടുകളുടെ നാട്ടില്‍ ഒരിടവേള തുടങ്ങിയ സിനിമകള്‍ താരം നിര്‍്മ്മിച്ചിട്ടുണ്ട്. രണ്ട് ചിത്രങ്ങളും ബോക്‌സോഫീസില്‍ വിജയമായിരുന്നു.