Categories
Film News

നിവിൻ പോളി – ആസിഫ് അലി ടീമിന്റെ മഹാവീര്യർ പൂർത്തിയായി

എബ്രിഡ് ഷൈൻ ഒരുക്കുന്ന മഹാവീര്യർ എന്ന് പേരിട്ടിരിക്കുന്ന സിനിമയിൽ നിവിൻ പോളി, ആസിഫ് അലി എന്നിവർ ഒന്നിക്കുന്നു.രാജസ്ഥാനിൽ ചിത്രീകരണം ആരംഭിച്ച സിനിമ ചിത്രീകരണം പൂർത്തിയാക്കിയിരിക്കുകയാണിപ്പോൾ.

സിനിമയുടെ കഥ സാഹിത്യഅക്കാദമി ജേതാവ് എം മുകുന്ദന്റേതാണ്. തിരക്കഥ എബ്രിഡ് ഷൈൻ ഒരുക്കിയിരിക്കുന്നു. നീണ്ട നാളുകൾക്ക് ശേഷമാണ് ആസിഫ് അലിയും നിവിൻ പോളിയും വീണ്ടുമൊന്നിക്കുന്നത്. മുമ്പ് സെവൻസ്, ട്രാഫിക് തുടങ്ങിയ സിനിമകളിൽ ഇരുവരുമെത്തിയിരുന്നു. ലാൽ, സിദ്ദീഖ്, ഷാൻവി ശ്രീവാസ്തവ എന്നിവരുമെത്തുന്നു.

സംവിധായകൻ എബ്രിഡ് ഷൈനിനൊപ്പം നിവിൻ പോളിയുടെ മൂന്നാമത് സിനിമയാണിത്. മുൻസിനിമകൾ, 1983, ആക്ഷൻ ഹീറോ വിജയ് ഹിറ്റുകളായിരുന്നു. നിവിന്റെ പോളി ജൂനിയർ പിക്ചേഴ്സ്, ഇന്ത്യൻ മൂവി മേക്കേഴ്സുമായി ചേർന്ന് സിനിമ നിർമ്മിക്കുന്നു.