മമ്മൂട്ടിയുടെ പുതിയ സിനിമ വണ്‍ അണിയറക്കാര്‍ ന്യൂ ഇയര്‍ ദിനത്തില്‍ പുതിയ പോസ്റ്റര്‍ പുറത്തിറക്കി. വെള്ള വസ്ത്രത്തില്‍ രാഷ്ട്രീയക്കാരനായി മമ്മൂട്ടി പോസ്റ്ററില്‍ തിളങ്ങി നില്‍ക്കുന്നു. മുമ്പ് റിപ്പോര്‍ട്ട് ചെയ്തതു പോലെ മുഖ്യമന്ത്രിയായാണ് താരം സിനിമയിലെത്തുന്നത്. കടക്കല്‍ ചന്ദ്രന്‍ എന്നാണ് കഥാപാത്രത്തിന്റെ പേര്.
ബോബി സഞ്ജയ് ടീം തിരക്കഥ ഒരുക്കുന്ന പൊളിറ്റിക്കല്‍ ഡ്രാമയാണ് സിനിമ. സന്തോഷ് വിശ്വനാഥ്, ചിറകൊടിഞ്ഞ കിനാവുകള്‍ ഫെയിം സംവിധാനം ചെയ്യുന്നു. മമ്മൂട്ടി ഏറെ നാളത്തെ ഇടവേളയ്ക്ക് ശേഷം മുഴുനീള രാഷ്ട്രീയക്കാരനായെത്തുകയാണ് ചിത്രത്തില്‍.
ചിത്രത്തില്‍ സഹതാരങ്ങളായെത്തുന്നത് മുരളി ഗോപി, ജോജു ജോര്‍ജ്ജ്, നിമിഷ സജയന്‍, രഞ്ജിത്, മാത്യു തോമസ്, ഗായത്രി അരുണ്‍, ബാലചന്ദ്രമേനോന്‍, സുദേവ് നായര്‍, സുരേഷ് കൃഷ്ണ, സലീംകുമാര്‍, ശങ്കര്‍ രാമകൃഷ്ണന്‍, അലന്‍സിയര്‍ ലെ ലോപസ്, മാമുക്കോയ, ബാലാജി ശര്‍മ്മ, എന്നിവരാണ്.
വൈദി സോമസുന്ദരം സിനിമാറ്റോഗ്രാഫര്‍, സംഗീതം ഗോപി സുന്ദര്‍. ശ്രീലക്ഷ്മി ആര് ഇച്ചായീസ് പ്രൊഡക്ഷന്‍സ് ബാനറില്‍ സിനിമ നിര്‍മ്മിക്കുന്നു.
