Categories
Film News

നീയെ മറയുകയാണോ : അനുഗ്രഹീതൻ ആന്‍റണിയിലെ ഗാനം

സണ്ണി വെയ്ൻ നായകനായെത്തുന്ന അനുഗ്രഹീതൻ ആന്‍ണിയിലെ പുതിയ ഗാനം ഓൺലൈനിൽ റിലീസ് ചെയ്തു. നടൻ നിവിൻ പോളി സോഷ്യൽമീഡിയയിലൂടെ റിലീസ് ചെയ്തു. വിനീത് ശ്രീനിവാസന്, ഹരിത ബാലകൃഷ്ണൻ എന്നിവർ ചേർന്നാലപിച്ച റൊമാന്‍റിക് ഗാനത്തിന് നീയെ മറയുകയാണോ എന്നാണ് പേരിട്ടിരിക്കുന്നത്. മനു മഞ്ജിത്തിന്‍റേതാണ് വരികൾ. ചിത്രത്തിലെ മുമ്പ് റിലീസ് ചെയ്ത കാമിനി എന്ന ഗാനം ഹിറ്റായിരുന്നു.

സണ്ണിവെയ്നും 96ഫെയിം ഗൗരി കിഷനും പ്രധാനകഥാപാത്രങ്ങളാകുന്ന സിനിമയാണിത്.പ്രൊമോകൾ നൽകുന്ന സൂചനകളനുസരിച്ച് ചിത്രം ഒരു റൊമാന്‍റിക് കോമഡി എന്‍റർടെയ്നർ ആണ്. സിദ്ദീഖ്, ഇന്ദ്രൻസ്, ജാഫര്‍ ഇടുക്കി, മണികണ്ഠൻ ആചാരി, സുരാജ് വെഞ്ഞാറമൂട്, ബൈജു, മുത്തുമണി എന്നിവരും സഹതാരങ്ങളായെത്തുന്നു.

നവാഗതനായ പ്രിൻസ് ജോയ് സംവിധാനം ചെയ്യുന്ന സിനിമയുടെ തിരക്കഥ നവീൻ ടി മണിലാൽ ഒരുക്കുന്നു. ജിഷ്ണു ആർ നായർ, അശ്വിൻ പ്രകാശ് എന്നിവരുടേതാണ് കഥ. അണിയറയിൽ സെൽവകുമാർ സിനിമാറ്റോഗ്രാഫർ, അർജ്ജുൻ ബെൻ എഡിറ്റിംഗ്,സംഗീതം അരുൺ മുരളീധരൻ.

എം ഷിജിത് ലക്ഷ്യ എന്‍റർടെയ്ൻമെന്‍റ്സ് ബാനറിൽ സിനിമ നിർമ്മിക്കുന്നു.