Categories
Film News

മഞ്ജു വാര്യർ, സണ്ണി വെയ്ൻ ടീം ഒന്നിക്കുന്ന ടെക്നോ – ഹൊറർ ത്രില്ലർ ചതുർമുഖം ഫസ്റ്റ്ലുക്ക്

മഞ്ജു വാര്യർ, സണ്ണിവെയ്ൻ ടീം ഒന്നിക്കുന്ന പുതിയ സിനിമയാണ് ചതുർമുഖം. രഞ്ജീത് കമല ശങ്കർ, സലിൽ വി എന്നിവർ ചേർന്ന് സംവിധാനം ചെയ്യുന്നു. ദുൽഖർ സൽമാൻ സോഷ്യൽമീഡിയ പേജിലൂടെ സിനിമയുടെ മോഷൻ പോസ്റ്റർ റിലീസ് ചെയ്തു. അണിയറക്കാരുടെ അഭിപ്രായത്തിൽ സിനിമ ഒരു ടെക്നോ ഹൊറർ ത്രില്ലർ ആണ്. മലയാളത്തിൽ ഇത്തരത്തിലുള്ള ആദ്യസിനിമയാണിത്. ജിസ് തോമസ്, ജസ്റ്റിൻ തോമസ് എന്നിവർ ചേർന്ന് ജിസ് ടോംസ് ബാനറിൽ സിനിമ നിർമ്മിക്കുന്നു.

സണ്ണി വെയ്ൻ, മഞ്ജു വാര്യർ എന്നിവർ ബിസിനസ് പാർട്ട്ണേഴ്സ് ആണ് സിനിമയിൽ. മഞ്ജു വാര്യരുടെ കഥാപാത്രം സണ്ണിയുടെ കോളേജ് സീനിയർ ആണ്. സണ്ണി കൊച്ചിയിലും തിരുവനന്തപുരത്തും സിസിടിവി ബിസിനസ് നടത്തുന്നു. നിരഞ്ജന അനൂപ്, അലൻസിയർ ലേ ലോപസ് എന്നിവരും മുഖ്യവേഷങ്ങളിലെത്തുന്നു.

ചതുർമുഖം തിരക്കഥ അനിൽ കുര്യൻ, അഭയകുമാർ എന്നിവർ ചേർന്നൊരുക്കുന്നു. അഭിനന്ദൻ രാമാനുജം , ആമേൻ ഫെയിം ആണ് സിനിമാറ്റോഗ്രഫി. മനോജ് എഡിറ്റിംഗ്, ഡോൺ വിൻസന്‍റ് സംഗീതം, സൗണ്ട് ഡിസൈന്‍ എന്നിവരാണ് അണിയറയിൽ.