Categories
Film News

കുറ്റവും ശിക്ഷയും ചിത്രീകരണം രാജസ്ഥാനിൽ പുരോഗമിക്കുന്നു

കോവിഡ് വ്യാപനത്തിന്‍റെ തുടക്കത്തിൽ ഫെബ്രുവരിയിൽ കുറ്റവും ശിക്ഷയും അണിയറക്കാർ രാജസ്ഥാനിൽ ചിത്രീകരണ തിരക്കിലായിരുന്നു. ലോക്ഡൗൺ പ്രഖ്യാപനത്തിന് തൊട്ടുമുമ്പായി ചിത്രീകരണം നിർത്തിവച്ച് ടീം കേരളത്തിലേക്ക് മടങ്ങുകയായിരുന്നു. ആറ് മാസത്തെ ഇടവേളക്ക് ശേഷം അണിയറക്കാർ ചിത്രീകരണം തുടർന്നിരിക്കുകയാണ്. രാജീവ് രവി സംവിധാനം ചെയ്യുന്ന സിനിമ പോലീസ് ത്രില്ലർ ആണ്.

ആസിഫ് അളി നായകനായെത്തുന്നു. സണ്ണി വെയ്ൻ, അല‍ൻസിയർ ലെ ലോപസ്, ഷറഫുദ്ദീൻ, സെന്തിൽ കൃഷ്ണ എന്നിവരാണ് മറ്റ് പോലീസുകാർ. കാസർഗോഡ് നടന്ന ജ്വല്ലറി മോഷണത്തിന്‍റെ കഥയാണ് സിനിമ പറയുന്നത്. കേരളപോലീസിലെ അഞ്ച പേരടങ്ങിയ സംഘം സ്വന്തം ജീവന്‍ പണയം വച്ച് ഉത്തർപ്രദേശിലെ ഒരു ഗ്രാമത്തിൽ പോയി പ്രതികളെ പിടിക്കുകയായിരുന്നു.

സിബി തോമസ്, യഥാർത്ഥ പോലീസ്, തൊണ്ടിമുതലും ദൃക്സാക്ഷിയും എന്ന സിനിമയിൽ അഭിനയിച്ച ആണ് കുറ്റവും ശിക്ഷയും തിരക്കഥ ഒരുക്കിയിരിക്കുന്നത്. ശ്രീജിത് ദിവാകരനൊപ്പം. സിബി 2015ൽ ഈ കളവ് കേസിൽ ഇൻവസ്റ്റിഗേഷൻ ഓഫീസറായിരുന്നു.