ദൃശ്യം കൂട്ടുകെട്ട് വീണ്ടും ഒന്നിക്കുന്നതായി നേരത്തെ അറിയിച്ചിരുന്നു. ഡിസംബര്‍ 18ന് സിനിമയുടെ ചിത്രീകരണം തുടങ്ങാനിരിക്കുകയാണ്. ഇരുവരുടേയും മുന്‍സിനിമ ദൃശ്യം ഒരു ഫാമിലി ത്രില്ലര്‍ ആയിരുന്നു. ഇത്തവണ ഒരു മാസ് എന്റര്‍ടെയ്‌നര്‍ ഒരുക്കാനാണ് സംവിധായകന്‍ പ്ലാന്‍ ചെയ്യുന്നത്. ഒരു ബിഗ് ബജറ്റ് സിനിമ, വിവിധ വിദേശരാജ്യങ്ങളില്‍ ചിത്രീകരിക്കുന്നത്, ഈജിപ്ത്, ലണ്ടന്‍, ഇസ്താംബുള്‍ തുടങ്ങിയ.
അടുത്തിടെ ഒരു അഭിമുഖത്തില്‍ സംവിധായകന്‍ മോഹന്‍ലാലിനൊപ്പം പുതിയ സിനിമയുമായെത്തുമെന്ന് അറിയിച്ചിരുന്നു. ചിത്രം മറ്റൊരു ദൃശ്യമായിരിക്കുകയില്ലെന്നും അദ്ദേഹം അറിയിച്ചു. റിയലിസ്റ്റിക് ടച്ചിലുള്ള ഒരു ആക്ഷന്‍ ത്രില്ലര്‍ ആയിരിക്കും സിനിമ.
പോപുലര്‍ സൗത്ത് ഇന്ത്യന്‍ താരം തൃഷ സിനിമയില്‍ മോഹന്‍ലാലിന്റെ ഭാര്യവേഷം ചെയ്യുന്നു. ദുര്‍ഗ്ഗ കൃഷ്ണ, തൃഷയുടെ സഹോദരിവേഷത്തിലെത്തുന്നുവെന്നും റിപ്പോര്‍ട്ടുകളുണ്ട്. ജിത്തു ജോസഫ് ഇപ്പോള്‍ ലണ്ടനില്‍ ലൊക്കേഷന്‍ തീരുമാനിക്കുകയാണ്. സംവിധായകന്‍ മറ്റു താരങ്ങളെയും അണിയറക്കാരെയും തീരുമാനിച്ച ശേഷം ഔദ്യോഗികപ്രഖ്യാപനം ഉണ്ടാവുമെന്നാണ് അറിയുന്നത്.
ജിത്തു ജോസഫ് അദ്ദേഹത്തിന്റെ രണ്ട സിനിമകളുടെ റിലീസിംഗ് കാത്തിരിക്കുകയാണ് – തമ്പി, ദ ബോഡി. തമ്പി, കാര്‍ത്തി, ജ്യോതിക, സ്ത്യരാജ് എന്നിവരൊന്നിക്കുന്ന ഒരു ഫാമിലി ത്രില്ലര്‍ സിനിമ.തമിഴിലൊരുക്കിയിരിക്കുന്നു. ദ ബോഡി പോപുലര്‍ സ്പാനിഷ് ചിത്രം എല്‍്ക്യൂര്‌പോയുടെ ഒഫീഷ്യല്‍ ഹിന്ദി റീമേക്കാണ്. ഇമ്രാന്‍ ഹഷ്മി, ശോഭിത ദുലിപാല, വേദിക എന്നിവരാണ് കേന്ദ്രകഥാപാത്രങ്ങളാകുന്നത്.
