Categories
Film News

തങ്കം സിനിമയില്‍ കള്ളന്‍ കുട്ടനായി ഫഹദ് ഫാസില്‍

കഴിഞ്ഞ വര്‍ഷം പ്രഖ്യാപിച്ച സിനിമയാണ് തങ്കം. ഫഹദ് ഫാസില്‍, ദിലീഷ് പോത്തന്‍, ജോജു ജോര്‍ജ്ജ് എന്നിവര്‍ ഒരുമിക്കുന്ന സിനിമ. ദേശീയപുരസ്‌കാരജേതാവ് ശ്യാം പുഷ്‌കരന്‍ തിരക്കഥ ഒരുക്കുന്ന സിനിമ തീരം ഫെയിം സഹീദ് അറാഫത്ത് സംവിധാനം ചെയ്യുന്നു. ഏപ്രിലില്‍ ചിത്രീകരണം തുടങ്ങാനിരുന്ന സിനിമ ലോക്ഡൗണിനെ തുടര്‍ന്ന് പ്ലാന്‍ മാറ്റുകയായിരുന്നു.

അണിയറക്കാര്‍ അറിയിച്ചത് പ്രകാരം തങ്കം ഒരു ക്രൈം ഡ്രാമയാണ്. ഫഹദ് ഫാസില്‍ സിനിമയില്‍ കള്ളനായെത്തുന്നു. കുട്ടപ്പന്‍ തങ്കമണി അഥവ കള്ളന്‍ കുട്ടന്‍ എന്ന കഥാപാത്രമായെത്തുന്നു. ഫഹദിന്റെ ചെറിയ കള്ളന്‍വേഷം തൊണ്ടിമുതലും ദൃക്‌സാക്ഷിയും എന്ന സിനിമയില്‍ അദ്ദേഹത്തിന് ദേശീയപുരസ്‌കാരം നേടികൊടുത്തിരുന്നു.

തങ്കം നിര്‍മ്മാണത്തിലും ഫഹദ്, ദിലീഷ് പോത്തന്‍, ശ്യാം പുഷ്‌കരന്‍ എന്നിവരെത്തുന്നു. വര്‍ക്കിംഗ് ക്ലാസ് ഹീറോ, ഫഹദ്ഫാസില്‍ ആന്‍്‌റ ഫ്രണ്ട്‌സ് ബാനറുകളില്‍ ചിത്രം നിര്‍മ്മിക്കും. ഇവരുടെ മുന്‍സിനിമ കുമ്പളങ്ങി നൈറ്റ്‌സ് വിജയമായിരുന്നു.