Categories
gossip

ദൃശ്യം 2 ആമസോൺ പ്രൈമില്‍ ഫെബ്രുവരി 19ന്

മോഹൻലാൽ- ജിത്തു ജോസഫ് ടീമിന്‍റെ ദൃശ്യം 2 ആമസോൺ പ്രൈം വീഡിയോയിലൂടെ റിലീസ് ചെയ്യുകയാണ്. ഫെബ്രുവരി 19ന് സിനിമ റിലീസ് ചെയ്യുമെന്നാണ് പുതിയ വാർത്തകൾ. ഫെബ്രുവരി 8ന് റിലീസ് ചെയ്യുമെന്നറിയിച്ചിരുന്ന ട്രയിലർ സോഷ്യല്‍ മീഡിയയിലൂടെ ലീക്ക് ആയതിനെ തുടർന്ന് കഴിഞ്ഞ ദിവസം ആമസോൺ പ്രൈം പുറത്തിറക്കി.

ദൃശ്യം 2, 2013ലെ ബ്ലോക്ബസ്റ്റർ സിനിമ ദൃശ്യത്തിന്‍റെ സ്വീകലാണ്. ജോർജ്ജ്കുട്ടിയുടേയും കുടുംബത്തിനേയും കേന്ദ്രീകരിച്ചുള്ള കഥയാണ് ഇത്തവണയും.

മോഹൻലാൽ, മീന അൻസിബ ഹസൻ, എസ്തർ അനിൽ, സിദ്ദീഖ്, ആശ ശരത്, അനീഷ് ജി മേനോൻ തുടങ്ങി ആദ്യഭാഗത്തിലെ താരങ്ങൾക്കൊപ്പം മുരളി ഗോപി, ഗണേഷ് കുമാർ, സായി കുമാര്‍, അഞ്ജലി നായർ എന്നിവരും പുതിയതായി സിനിമയിലെത്തുന്നു. ആന്‍റണി പെരുമ്പാവൂര്‍, ആശിർവാദ് സിനിമാസ് ബാനറിൽ സിനിമ നിർമ്മിച്ചിരിക്കുന്നു.