Categories
Film News

ധ്രുവ്‌,ഷൈന്‍ ടോം ചാക്കോ, അഹാന കൃഷ്‌ണ എന്നിവര്‍ ദുല്‍ഖര്‍ സല്‍മാന്റെ അടുത്ത സിനിമയില്‍

ദുല്‍ഖര്‍ സല്‍മാന്റെ പ്രൊഡക്ഷന്‍ ഹൗസ്‌ വേഫാറര്‍ ഫിലിംസ്‌ നിര്‍മ്മിക്കുന്ന പുതിയ സിനിമയില്‍ ക്വീന്‍ ഫെയിം ധ്രുവ്‌, ഷൈന്‍ ടോം ചാക്കോ, അഹാന കൃഷ്‌ണ എന്നിവര്‍ പ്രധാന കഥാപാത്രങ്ങളാകുന്നു. പ്രശോഭ്‌ വിജയന്‍, ലില്ലി, അന്വേഷണം ഫെയിം ആണ്‌ ചിത്രമൊരുക്കുന്നത്‌. ഇഷ്‌ഖ്‌ ഫെയിം രതീഷ്‌ രവി ചിത്രത്തിന്റെ തിരക്കഥ ഒരുക്കുന്നു.

എറണാകുളത്ത്‌ കുറച്ച്‌ ദിവസങ്ങളായി ചിത്രീകരണം തുടരുകയാണ്‌. ആദ്യഘട്ടം പൂര്‍്‌ത്തിയാക്കിയതായാണ്‌ റിപ്പോര്‍ട്ടുകള്‍. സിനിമയെ സംബന്ധിച്ച്‌ കൂടുതല്‍ വിവരങ്ങള്‍ ലഭ്യമല്ല. ഔദ്യോഗിക പ്രഖ്യാപനം ഉടനുണ്ടാവുമെന്നാണറിയുന്നത്‌.

ദുല്‍ഖര്‍ സല്‍മാന്റെ വേഫാറര്‍ ഫിലിംസ്‌ യുവതാരങ്ങളെ പ്രൊമോട്ട്‌ ചെയ്യുകയാണ്‌. ബാനറിന്റെ നാലാമത്തെ സിനിമയാണിത്‌. മണിയറയിലെ അശോകന്‍, വരനെ ആവശ്യമുണ്ട്‌,കുറുപ്പ്‌ എന്നിവയാണ്‌ മുന്‍സിനിമകള്‍. വരനെ ആവശ്യമുണ്ട്‌ തിയേറ്റര്‍ റിലീസും, മണിയറയിലെ അശോകന്‍ നെറ്റ്‌ഫ്‌ലിക്‌സ്‌ റിലീസുമായിരുന്നു. കുറുപ്പ്‌ റിലീസ്‌ ചെയ്യാനിരിക്കുകയാണ്‌. സിനിമ ഒടിടി റിലീസിനൊരുങ്ങുകയാണെന്നാണറിയുന്നത്‌.