Categories
Film News teaser

ബിജു മേനോന്‍ നിമിഷ സജയന്‍ ചിത്രം നാല്‍പത്തിയൊന്ന് ടീസറെത്തി

സംവിധായകന്‍ ലാല്‍ജോസിന്റെ 25ാമത് സിനിമ നാല്‍പത്തിയൊന്ന് ടീസര്‍ സോഷ്യല്‍ മീഡിയയിലൂടെ റിലീസ് ചെയ്തിരിക്കുകയാണ്. ബിജു മേനോന്‍, നിമിഷ സജയന്‍ എന്നിവര്‍ പ്രധാനകഥാപാത്രമായെത്തുന്നു. നവാഗതനായ പ്രഗീഷ് പിജി തിരക്കഥ ഒരുക്കുന്ന സിനിമ യഥാര്‍ത്ഥ സംഭവങ്ങളില്‍ നിന്നും പ്രചോദനമുള്‍ക്കൊണ്ടുള്ളവയാണ്. അണിയറക്കാരുടെ അഭിപ്രായത്തില്‍ സിനിമ സോഷ്യോ-പൊളിറ്റിക്കല്‍ സറ്റയര്‍ ആണ്. രണ്ട് വ്യക്തികള്‍- ഒരാള്‍ ശക്തമായ മതവിശ്വാസമുള്ളയാളും, രണ്ടാമത്തെ ആള്‍ കമ്മ്യൂണിസ്റ്റ് അനുഭാവിയും – ശബരിമല യാത്രയ്ക്കിടെയുണ്ടാകുന്ന സംഭവങ്ങളാണ് ചിത്രം പറയുന്നത്.

സംവിധായകന്‍ ലാല്‍ജോസ് ഈ ചിത്രത്തിലൂടെ ഒരു വലിയ തിരിച്ചുവരവു നടത്തുമെന്നാണ് ടീസര്‍ നല്‍കുന്ന സൂചനകള്‍. നിരവധി തിയേറ്റര്‍ ആര്‍ട്ടിസ്റ്റുകളും പുതുമുഖങ്ങളും ചിത്രത്തിലുണ്ടാകും. അണിയറയില്‍ എസ് കുമാര്‍ ക്യാമറ, എഡിറ്റിംഗ് രഞ്ജന്‍ എബ്രഹാം എന്നിവരും സംഗീതം ബിജിബാലുമാണുള്ളത്.