Categories
Film News

വിനായകന്‍റെ സംവിധാനസംരംഭം പാർട്ടി, ആഷിഖ് അബു നിർമ്മിക്കുന്നു

പാർട്ടി എന്ന് പേരിട്ടിരിക്കുന്ന സിനിമയിലൂടെ നടൻ വിനായകന്‍ സംവിധാനത്തിലേക്ക് കടക്കുകയാണ്. ആഷിഖ് അബു, റിമ കല്ലിങ്കൽ എന്നിവരുടെ ഒപിഎം സിനിമാസ് ബാനര്‍ സിനിമ നിർമ്മിക്കുന്നു. വിനായകൻ തന്നെയാണ് തിരക്കഥ ഒരുക്കുന്നത്. വിനായകൻ സിനിമയിലെത്തിയിട്ട് 25 വർഷമായി, ഈ സ്പെഷൽ അവസരത്തിൽ ആഷിഖ് അബു സിനിമ ഔദ്യോഗികമായി പ്രഖ്യാപിച്ചിരിക്കുകയാണ്.

ബാക്കഗ്രൗണ്ട് നർത്തകനായി തൊണ്ണൂറുകളിലാണ് വിനായകൻ സിനിമയിലെത്തിയത്. അതിന് ശേഷം നിരവധി കോമഡി വേഷങ്ങളിലും നെഗറ്റീവ് കഥാപാത്രങ്ങളായും താരമെത്തി. രാജീവ് രവി സംവിധാനം ചെയ്ത കമ്മട്ടിപ്പാടം എന്ന സിനിമയിലൂടെയാണ് നല്ല ബ്രെയ്ക്ക് കിട്ടിയത്. വിനായകന്റെ ഗംഗ എന്ന കഥാപാത്രം ഏറെ ശ്രദ്ധ നേടുകയും താരത്തിന് കേരള സംസ്ഥാന ചലച്ചിത്രപുരസ്കാരം നേടികൊടുക്കുകയും ചെയ്തു.

കമ്മട്ടിപ്പാടത്തിന് ശേഷം വിനായകൻ കൂടുതൽ സെലക്ടീവാകുകയും ഇപ്പോൾ സംവിധായകന്‍റെ തൊപ്പിയണിയാൻ തയ്യാറെടുക്കുകയും ചെയ്യുന്നു.

നടനായി ഓപ്പറേഷൻ ജാവ, പട, ഒരുത്തീ എന്നിവയാണ് വിനായകന്‍റെ പുതിയ സിനിമകള്‍. തമിഴ് ചിത്രം ധ്രുവ നച്ചിത്രത്തിൽ വില്ലൻ വേഷത്തിലും താരമെത്തുന്നു.