Categories
Film News

ഉണ്ണിമുകുന്ദനൊപ്പം മേപ്പടിയാനിൽ അഞ്ജു കുര്യൻ എത്തുന്നു

ഞാന്‍ പ്രകാശൻ താരം അഞ്ജു കുര്യൻ, ഉണ്ണി മുകുന്ദൻ നായകനായെത്തുന്ന മേപ്പടിയാനിൽ ജോയിൻ ചെയ്തു. വിഷ്ണു മോഹൻ തിരക്കഥയെഴുതി സംവിധാനം ചെയ്യുന്ന ചിത്രമാണിത്.

താരം അവസാനമെത്തിയ മലയാളസിനിമ ജാക്ക് ആന്‍റ് ഡാനിയൽ ആയിരുന്നു. ദിലീപ്, അർജ്ജുൻ സർജ്ജ എന്നിവർ പ്രധാനകഥാപാത്രങ്ങളായെത്തിയ സിനിമ.

മേപ്പടിയാൻ ഒരു ഫാമിലി എന്‍റർടെയ്നർ ആണെന്നാണ് റിപ്പോർട്ടുകൾ. ഉണ്ണിമുകുന്ദൻ നിർമ്മാണരംഗത്തേക്കെത്തുന്ന സിനിമ കൂടിയാണിത്. സാധാരണക്കാരനായ ജയകൃഷ്ണൻ എന്ന യുവാവിന്‍റെ കഥയാണ് ചിത്രം പറയുന്നത്. ചിത്രത്തിൽ ഇന്ദ്രൻസ്, സൈജു കുറുപ്പ്, അജു വർഗ്ഗീസ്, വിജയ് ബാബു, കലാഭവൻ ഷാജോൺ, ശ്രീജിത് രവി, അപർണ ജനാർദ്ദനൻ, മേജർ രവി എന്നിവരും ചിത്രത്തിലെത്തുന്നു.

ഈ വർഷം തുടക്കത്തിൽ ചിത്രീകരണം തുടങ്ങിയ സിനിമയെകുറിച്ച് മുമ്പ് ഉണ്ണിമുകുന്ദന്‍ ടൈംസ് ഓഫ് ഇന്ത്യയോട് പറഞ്ഞത്, നാടൻ കഥാപാത്രമാണിതിലേതെന്നും, ജീവിക്കാൻ വേണ്ടി ഏത് ജോലിയും ചെയ്യാൻ തയ്യാറാവുന്ന ഒരു യുവാവാണ് ചിത്രത്തിലെ കഥാപാത്രമാണെന്നുമാണ്.

രാഹുൽ സുബ്രഹ്മണ്യൻ സംഗീതം, ഷഹീർ മുഹമ്മദ് എഡിറ്റർ, നീൽ സിനിമാറ്റോഗ്രാഫർ, വിപിൻ കുമാർ പ്രൊഡക്ഷൻ മാനേജർ എന്നിവരാണ് അണിയറയിൽ. ഇരാറ്റുപേട്ട, പാല തുടങ്ങിയ ലൊക്കേഷനുകളിലായാണ് സിനിമ ചിത്രീകരിക്കുന്നത്.