കുഞ്ചാക്കോ ബോബന്‍ സംവിധായകന്‍ ഷഹീദ് ഖാദറിനൊപ്പം ഒരു ഫാമിലി എന്റര്‍ടെയ്‌നറുമായെത്തുമെന്ന് റിപ്പോര്‍ട്ടുകളുണ്ടായിരുന്നു. അന്തരിച്ച സംവിധായകന്‍ രാജേഷ് പിള്ളയുടെ മുന്‍ അസോസിയേറ്റായിരുന്ന സംവിധായകന്‍ തമിഴ് സിനിമ ചെന്നൈയില്‍ ഒരു നാള്‍ ഒരുക്കിയിട്ടുണ്ട്. മലയാള സിനിമ ട്രാഫിക് റീമേക്കായിരുന്നു സിനിമ. അദ്ദേഹത്തിന്റെ അടുത്ത സിനിമ കുഞ്ചാക്കോ ബോബനൊപ്പമുള്ളത് സംവിധായകന്റെ മലയാളത്തിലെ അരങ്ങേറ്റസിനിമയാണ്.
അണിയറക്കാര്‍ പറയുന്നത്, ഒരു ഭാര്യയ്ക്കും ഭര്‍ത്താവിനുമിടയിലെ നല്ല ഒരു ബന്ധത്തിന്റെ കഥയാണ് പറയുന്നത്. നിത്യ മേനോന്‍ ചിത്രത്തില്‍ നായികയായെത്തുമെന്നാണ് അറിയിച്ചിരുന്നത്. എന്നാല്‍ പുതിയതായി വരുന്ന വാര്‍ത്തകള്‍ അരുവി ഫെയിം അതിഥി ബാലന്‍ താരത്തിനു പകരമെത്തുന്നുവെന്നാണ്. അതിഥിയുടെ രണ്ടാമത്തെ മലയാളസിനിമയാകുമിത്, നിവിന്‍ പോളി സിനിമ പടവെട്ട് ആയിരുന്നു ആദ്യചിത്രം.
ഷഹീദ് ഖാദര്‍ സിനിമ പൂര്‍ണ്ണമായു കൊല്‍ക്കത്തയിലാണ് ചിത്രീകരിക്കുന്നത്. നവംബര്‍ രണ്ടാംവാരത്തോടെ ചിത്രീകരണം തുടങ്ങാനിരിക്കുകയാണ്. ഇ4 എന്റര്‍ടെയ്ന്‍മെന്റ് ചിത്രം നിര്‍മ്മിക്കുന്നു. ബാലതാരങ്ങള്‍ക്കായി അടുത്തിടെ അണിയറക്കാര്‍ കാസ്റ്റിംഗ് കോള്‍ വിളിച്ചിരുന്നു. കൂടുതല്‍ വിവരങ്ങള്‍ ഒഫീഷ്യല്‍ പ്രഖ്യാപനത്തോടൊപ്പമെത്തുമെന്നാണറിയുന്നത്.
